A dirección de Espacio Atlántico deu a coñecer as galerías que integrarán o Programa Xeral para a vindeira edición da feira de arte contemporánea. Un total de 43 galerías procedentes de España e Portugal participan no evento, que se celebrará entre ol 7 e o 10 de abril en Vigo, no recinto feiral IFEVI. Esta selección estará formada por 18 galerías galegas, 22 procedentes do resto de España e 3 portuguesas. Ademas, haberá tamén 5 project rooms, con proxectos individuais de artistas.

Así, desde Galicia participarán importantes salas, como Adhoc, Trinta, SCQ, Bacelos, Marisa Marimón ou Factoría Compostela, entre outras; mentres que do resto do Estado proceden galerías como Fúcares, Max Estrella, Carles Taché, Senda, NoguerasBlanchard, Moisés Pérez de Albéniz ou Xavier Fiol. Completan o Programa Xeral tres das galerías portuguesas máis destacadas: Mário Sequeira, Pedro Oliveira e Carlos Carvalho.
Esta lista de participantes é unha boa mostra da consolidación do proxecto iniciado o ano anterior, na que se mantén o rigor e a calidade das propostas, baixo a dirección xeral de Marta Scarpellini e coa incorporación de Pilar Ribal como directora artística.